Welcome to the Urdu Ownz forums.
 
HomeFAQRegisterLog in

Share | 
 

 Bus Ab Aur naheeN

View previous topic View next topic Go down 
AuthorMessage
_+_+_babu_+_+_
Seniour Worker
Seniour Worker


Posts : 100
Points : 20273
Reputation : 8
Join date : 2009-06-17
Age : 29
Location : C_-_R_-_A_-_C_-_K

PostSubject: Bus Ab Aur naheeN   Fri Jun 19, 2009 10:22 pm

Ab jab ho chuka maut ka taNdav
Ab jab dhul gayay haiN lahu kay daag
Bujha di gayi hai Hotel ki aag
Aur kuchal diyay woh vishdhar naag

Dabrayaa sa jeevan abhi
Pasaar hi raha hai phir apnay paNkh
Lekin aakrosh ka aavaig-
Maha-aavaig bhi lay raha hai karvataiN
Hamaaray is aakrosh ki baagdor
Hamaaray dhaarmik n Raajnaitik neta apnay haath maiN laingay
Is baar-
Is aakrosh ki baagdor hum apnay vivek kay haath maiN daingay

Kab tak daikhaiNgay
Vibtstaa ka nanga nrtya !

Kabhi hiNdu trishooloN pay uchlatay rakt-raNjit bhroon
To kabhi musalmaan talwaaroN say katati nireeh chaatiaN
Kabhi baMboN say kshat-vikshat laashoN kay dhair
To kabhi at_ haasoN kay madhyasth ziNda jaltay huay log

Kab tak diakhaiNgay !

HaaN! is baar yeh aakrosh
Banayga"Bus aur nahiN ka"ka udhghosh
Ghrnaa v dharam ki raajneeti kay khilaaf
Aik spasht "bus aur nahiN" ka rosh

Bahut ho chuki aNdhay pratishodh ki parMparaa
Tor di aaj humnay is uNmaad ki shrankhlaa
DharmoN ki siyaasat
Zehar ki viraasat
In subsay iNkaar ki aawaaz hai yeh-
"NahiN bus aur nahiN"ka aavaahan
Drur iraaday aur chetan vichaar
Liyay hai hamaraa aakrosh aaj

BaMboN-golioN say maaraiN maasoomoN ko jo hatyaaray
DaNgoN maiN khul kar khalaiN jo maut ki holi
Ya mishnarioN par hoN jganya apraadh
Apnay dharmoN kay naam lagaaiN maanvtaa ki boli
In subhi kay khilaaf hai-
Hamaray is aakrosh ki aawaaz

Khuli chaitaavni hai yeh-
Ghrnaa kay har vyaapaari ko
NrashaNshtaa kay pujaari ko
Kisi bhi dharam ya vichaardhara kay naam
NahiN sahaiNgay hum koi bhi ab qatl-e-aam
"NahiN bus ab aur nahieeN"
Back to top Go down
 
Bus Ab Aur naheeN
View previous topic View next topic Back to top 
Page 1 of 1

Permissions in this forum:You cannot reply to topics in this forum
Non Stop Masti And Fun :: Urdu Adab :: Urdu Sher-0-shayari-
Jump to: